【2024年9月經安老院一站通轉介，入住油尖旺區一私營護老院】
「爸爸有認知障礙，唔識番屋企，又會掉嘢落街，有好多危險性……入咗護老院，照顧員都好氹佢，比我想像中適應得快，張姑娘都會問下爸爸住成點，係好窩心嘅行動。」– 囡囡 Jessica
「呢度非常之好，對我好，食得又好，個個都熟口熟面。」訪問當日看到廖伯伯如此精靈，換好衣服準備外出散步，都好奇為甚麼他要入住護老院。
原來廖伯伯已84歲，患有腦退化，除了外出後會忘記回家的方向，在家中亦偶有失禁情況，更會高空擲物。囡囡Jessica表示 : 「我哋都試過搵工人姐姐照顧佢，但都唔係一個辦法，佢會帶住姐姐出去，搞到兩個都冇得食飯，爸爸去廁所嗰陣會偷走，令到家人好擔心，發現開始有照顧佢嘅困難，就決定幫佢搵間護老院。」
在搜尋過程中，Jessica在網上認識「安老院一站通」，「好好彩搵到你地同張姑娘，了解爸爸嘅需要之後再同院長商討爸爸嘅背景，知道護老院喺中秋有活動，我都帶左爸爸上嚟試咗4-5 個鐘，睇下佢同其他老人家係咪相處到，初初只係諗住試住2 個月左右。」怎料廖伯伯比預期適應得快，「初初三個禮拜佢脾氣好差，會撞門，佢唔知道門要㩒鐘，諗住可以自出自入…好彩照顧員都好肯耐心氹佢，佢由抗拒到住得開心都係4-5 個月。」
而且院舍姑娘的悉心照顧甚至間接影響廖伯伯的生活習慣，家人也十分驚訝。Jessica提到「佢喺屋企唔肯沖涼，亦唔肯剪指甲、剪頭髮等等個人衛生都唔肯做，但呢度嘅姑娘不停讚佢，佢對自己有信心就好願意去做，我感覺佢突然間唔同晒，突然間好自覺。」加上院長的鼓勵，廖伯伯也參與不同的院舍活動，即使性格慢熱的他也漸漸融入院舍生活。
看見廖伯伯住得如此適應和開心，Jessica和家人也慶幸幫爸爸找到個舒適的環境，現時廖伯伯已在護老院住了約半年。
後記：Jessica分享現在逢星期六都會帶爸爸外出，而弟弟和妹妹則在星期日前來探訪，相比之前，廖伯伯現在有更多時間與子女相處，令他更滿足和安心，家庭關係也變得比入住前更親密。